'சுமோ' விமர்சனம்
வேல்ஸ் நிறுவனம் ஐசரி கே. கணேஷ் தயாரிப்பில் சிவா நடிப்பில் எஸ்.பி. ஹோசிமின் இயக்கத்தில் உருவாகியுள்ள படம் தான் 'சுமோ'
சரி வாங்க விமர்சனத்தை பார்ப்போம்:
விடிவி கணேஷ் நடத்தி வரும் ரெஸ்டாரண்ட் யில் வேலை பார்த்து வரும் கதாநாயகன் சிவா, கடலில் சர்ஃபிங் செய்வதை தொழிலாக கொண்டுள்ளார். ஒருநாள் கடலுக்கு சர்ஃபிங் செய்யப்போகும் சிவா, எதேச்சையாக கடலோரம் அலைகளில் அடித்துவரப்பட்ட யோஷினோரி தஷிரோ-வை பார்க்கிறார். அவர் இறக்கவில்லை உயிருடன் தான் இருக்கிறார் என முதலுதவி செய்து காப்பாற்றுகிறார். கண் விழிக்கும் யோஷினோரி தஷிரோ, தனது உயிரை காப்பாற்றிய சிவாவை ஒரு கடவுளாக பார்க்கிறார்.
சிவாவை விட்டு எந்நேரமும் பிரியாமல் இருக்கிறார். ஒரு கட்டத்தில், இவன் ஒரு சுமோ வீரர் என கண்டுபிடிக்கும் சிவா, இவனை மீண்டும் ஜப்பானுக்கு அனுப்பவேண்டும் என முடிவு செய்து அதற்கான முயற்சியில் ஈடுபடுகிறார். யோஷினோரி தஷிரோ ஒரு குழந்தை போலவே நடந்து கொள்கிறார். இவரால் பண நஷ்டம் சிவாவிற்கு ஏற்படுகிறது. பிறகு யோஷினோரி தஷிரோ ஜப்பான் போனாரா? இல்லையா? என்பதே கதை...
சிவா வழக்கமான நடிப்பை வெளிப்படுத்தியிருக்கிறார். நாயகியாக நடித்து இருக்கும் பிரியா ஆனந்த் அழகாக வந்து அளவான நடிப்பை கொடுத்து இருக்கிறார். யோஷினோரி தஷிரோ குழந்தை போல் முகபாவனை வைத்தும், மல்யுத்த வீரராகவும் நடித்து கவர்ந்து இருக்கிறார். நிவாஸ் கே பிரசன்னா இசையில் பாடல்கள் ரசிக்க வைக்கிறது. விடிவி கணேஷ், யோகிபாபு ஆகியோர் கொடுத்த வேலையை செய்து இருக்கிறார்கள்.
காமெடியில் கவனம் தேவை.... எடிட்டிங் சரியாக இல்லை என்றே சொல்லலாம்....
மொத்தத்தில் இந்த சுமோ சுமார் தான்.
RATING: 2.8/5
கருத்துரையிடுக