மிதக்கும் சினிமா தியேட்டர் விரைவில்!
பாரிஸ்:
சமூக தொலைதூர படகுகளில் இருந்து மக்கள் பார்க்கக்கூடிய ஒரு மிதக்கும் திரைப்பட தியேட்டர் வரும் 18 ம் தேதி பாரிஸில் உள்ள சீன் நதிக்கு வருகிறது.
பிரான்சின் தலைநகரான பாரிசில் ஒவ்வொரு ஆண்டும் கோடை காலத்தில் பாரிஸ் பிளேஜஸ் என்ற நிகழ்ச்சிகொண்டாடப்படும். பாரிசில் உள்ள புகழ்பெற்ற சீன் ஆற்றின் நடுவே தற்காலிக கடற்கரை உருவாக்கப்பட்டு கொண்டாடப்படும். இந்தாண்டு பிளேஜஸ் நிகழ்ச்சியை வித்தியாசமாக கொண்டாட முடிவு செய்யப்பட்டுள்ளது.
இதன்ஒரு பகுதியாக சீன் ஆற்றின் நடுவில் மிதக்கும் தியேட்டர் ஒன்று வரும் 18 ம் தேதி அறிமுகப்படுத்தப்பட உள்ளது. இதற்கு சுர் எல் யோ என பெயரிடப்பட்டுள்ளது. இதன் பொருள் தண்ணீரில்சினிமா என்பதாகும்.
மிதக்கும் தியேட்டரில் திரைப்படத்தை காண்பதற்காக 38 மின்சார படகுகள் தயாராக உள்ளன. சமூக இடைவெளி நடைமுறை பின்பற்றி ஒவ்வொரு படகிலும் இரண்டு முதல் 6 பேர்வரை அமர்ந்து திரைப்படத்தை ரசிக்கலாம்.
கொரோனா தொற்று பற்றிய கொரோனா ஸ்டோரி என்ற குறும்படமும், இரண்டாவது படமாக நீச்சல் அணியை துவங்கும் ஆண்கள் குழுவை பற்றிய2018 ம் ஆண்டு வெளியான நகைச்சுவை படமான லு, கிராண்ட் பெயின் என்ற படமும் திரையிடப்படுகிறது. உள்ளூர் வாசிகளுக்கு வரும் செவ்வாய்கிழமை(13ம் தேதி ) முதல் 15ம் தேதி வரை டிக்கெட் வழங்கப்படுகிறது.
பிரான்சில் கொரோனா தொற்று அச்சம் காரணமாக தியேட்டர்கள் அனைத்தும் மூடப்பட்டன. கடந்த ஜூன் மாதம் 50 சதவீத அளவிற்கு மட்டுமே தியேட்டர்கள் திறக்க அனுமதிக்கப்பட்டுள்ளது.
கருத்துரையிடுக