2,775- பேருக்கு கொரோனா தொற்று பாதிப்பு!
தமிழகத்தில் தினசரி கொரோனா பாதிப்பு கடந்த சில மாதங்களாக தொடர்ந்து குறைந்து வருகிறது. தொடர்ந்து 51-வது நாளாக தொற்று பாதிப்பு குறைந்து வருவது மக்களை சற்று நிம்மதி பெருமூச்சு விடச்செய்துள்ளது.
இன்றைய கொரோனா பாதிப்பு விவரத்தை தமிழக சுகாதாரத்துறை வெளியிட்டுள்ளது. அதன் விவரம் வருமாறு: தமிழகத்தில் இன்று 2,775- பேருக்கு கொரோனா வைரஸ் தொற்று உறுதி செய்யப்பட்டுள்ளது.
மாநிலத்தில் இதுவரை தொற்று உறுதி செய்யப்பட்டவர்கள் எண்ணிக்கை 25 லட்சத்து 18 ஆயிரத்து 786- ஆக உயர்ந்துள்ளது. தொற்று பாதிப்பில் இருந்து இன்று குணம் அடைந்தவர்கள் எண்ணிக்கை 3,188- ஆகும். கொரோனா பாதிப்பால் இன்று 47- பேர் உயிரிழந்துள்ளனர்.
சென்னையில் இன்று 171- பேருக்கு கொரோனா வைரஸ் தொற்று உறுதி செய்யப்பட்டுள்ளது. தொற்று பாதிப்பைக் கண்டறிய 1,48,182- மாதிரிகள் இன்று பரிசோதிக்கப்பட்டுள்ளன. தொற்று பாதிப்புடன் சிகிச்சை பெறுபவர்கள் எண்ணிக்கை 32 ஆயிரத்து 307- ஆக குறைந்துள்ளது.
கருத்துரையிடுக