‘விலங்கு’ வெப் சீரிஸ் விமர்சனம்

‘விலங்கு’ வெப் சீரிஸ் விமர்சனம்


நடிகர்கள்: விமல், இனியா, பாலசரவணன், முனிஸ்காந்த், RNR மனோகர் மற்றும் பலர்.

இசை: அஜீஸ்

ஒளிப்பதிவு: தினேஷ் புருஷோத்தமன்

எடிட்டிங்: கணேஷ் சிவா

தயாரிப்பு: S. மதன்

இயக்கம்: பிரசாந்த் பாண்டிராஜ்

OTT: Zee5.

நடிகர் விமல் நடிப்பில் பிரசாத் பாண்டியராஜ் இயக்கத்தில் வெளியாகியுள்ள வெப் சீரிஸ் 'விலங்கு'. இதில் இனியா, முனீஷ்காந்த் பால சரவணன், ஆர்.என்.ஆர் மனோகர் போன்ற பல முன்னணி நடிகர்கள் நடித்துள்ளனர். ZEE5 OTT தளத்தில் வெளியாகியுள்ள இந்த வெப் சீரிஸ் மர்டர் மிஸ்ட்ரி கதைக்களமாக உருவாகியுள்ளது.

காட்டுப் பகுதியில் அழுகிய நிலையில், தலை துண்டிக்கப்பட்டு ஒரு பிணம் கண்டெடுக்கப்படுகிறது. அந்த கொலையைத் துப்பு துலக்க தொடங்கும் காவல்துறையினரின் பயணமே விலங்கு. கொலையாளியை கண்டுபிடித்தனரா?! எதற்காக கொலை நடைபெற்றது? போன்ற கேள்விகளுக்கான பதிலை விறுவிறுப்புடன் கச்சிதமாக சொல்லியுள்ளனர்.



'விலங்கு' தொடர் முழுக்க முழுக்க வேம்பூர் காவல் நிலையத்தில் நடப்பது போல் உருவாக்கப்பட்டுள்ளது. 7 அத்தியாயங்களைக் கொண்ட இந்த இணையத் தொடரின் 75 சதவீத காட்சிகள் காவல் நிலையத்திலேயே நடைபெறுகின்றன. அதற்காக அமைக்கப்பட்ட செட் மிகக் கச்சிதமாக கதையோடு பொருந்துவது கதைக்கு மேலும் வலு சேர்க்கிறது.

திருச்சி மாவட்டத்தில் நடைபெற்ற இரண்டு உண்மைச் சம்பவங்களை ஒரே கதையாக உருவாக்கி சுவாரசியம் குறையாமல் படமாக்கியிருக்கிறார் இயக்குனர் பிரசாந்த் பாண்டியராஜ். பிற மொழி வெப் தொடர்கள் ரசிகர்கள் மத்தியில் வரவேற்பை பெறும் நிலையில் தமிழில் ஒரு பக்கவான வெப் சீரிஸ் என்று 'விலங்கு' தொடரை சொல்லலாம்.

நடிகர் விமலுக்கு கதையில் காவலர் உடை அணிந்திருந்தால் மேலும் கம்பீரமாக இருந்திருக்கும். புலனாய்வு செய்வதில் கலக்கி இருக்கிறார் விமல்.பால சரவணன் அடி சரவெடி.  

இயக்குனருக்கும், பட தயாரிப்பாளருக்கும் வேறலேவல் கம்பேக் படமாக 'விலங்கு' அமைந்துள்ளது. ஜீ 5 ஓடிடி தளத்தில்  வெளியாகியுள்ள இந்த வெப் தொடர் ரசிகர்கள் மத்தியில் அமோக வரவேற்பினை பெற்று வருவது குறிப்பிடத்தக்கது.

மொத்தத்தில் இந்த 'விலங்கு' குற்றம் செய்பவருக்கு ஆப்பு வைக்கும்.....  


   


லேபிள்கள்:

கருத்துரையிடுக

[blogger][facebook][disqus]

Author Name

{picture#YOUR_PROFILE_PICTURE_URL} YOUR_PROFILE_DESCRIPTION {facebook#YOUR_SOCIAL_PROFILE_URL} {twitter#YOUR_SOCIAL_PROFILE_URL} {google#YOUR_SOCIAL_PROFILE_URL} {pinterest#YOUR_SOCIAL_PROFILE_URL} {youtube#YOUR_SOCIAL_PROFILE_URL} {instagram#YOUR_SOCIAL_PROFILE_URL}

தொடர்பு படிவம்

பெயர்

மின்னஞ்சல் *

செய்தி *

Blogger இயக்குவது.