லால் சலாம் - திரைவிமர்சனம்

லால் சலாம் - திரைவிமர்சனம் 

விமர்சனம்: 

இஸ்லாமியர்கள் பெரும்பான் மையாக வாழும் முரார்பாத் என்ற கிராமத்தில் முஸ்லிம்களும் இந்துக்களும் அண்ணன், தம்பியாக பழகி வருகின்றனர். அந்தக் கிராமத்தில் இருந்து இளம் வயதில் மும்பைக்கு சென்று அங்கு பெரிய தொழிலதிபராக வலம் வரும் ரஜினிகாந்த் மொய்தீன் பாய் , மகன் சம்சுதீனும் (விக்ராந்த்) அவரது நெருங்கிய நண்பரின் மகன் திருவும் (விஷ்ணு விஷால்) சிறுவயது முதலே எலியும் புலியுமாக இருக்கின்றனர். 

கிரிக்கெட் போட்டியில் ஏற்படும் சிறு மோதல், பெரிய கலவரமாக வெடித்து அண்ணன், தம்பிகளாக பழகிவந்த இந்து - முஸ்லிம் மக்களிடையே பெரிய பிளவு ஏற்படுகிறது. இதனைத் தொடர்ந்து கிராமத்தில் தேர்த் திருவிழா நடத்த இந்து மக்கள் முடிவு செய்யும்போது ஓர் அரசியல் கட்சியின் சதியால் திருவிழா தடுக்கப்படுகிறது.

இறுதியில் இந்துக்களுக்கும் முஸ்லிம்களுக்கு இடையே ஒற்றுமை நிலவியதா? தேர்த் திருவிழா நடந்ததா? இதில் மொய்தீன் பாயின் பங்கு என்ன?  மீதி கதை... 

ரஜினிகாந்த் என்ட்ரி காட்சி திரையரங்கில் விசில் பறக்குது....  

தேவாவின் குரலில் 'அன்பாலனே' பாடல் ரசிக்க வைக்கிறது. 'தேர் திருவிழா' ஆட்டம் போட வைக்கிறது. படத்தின் முதல் பாதி முழுவதும் முரார்பாத் கிராமத்தில் வாழும் மக்களை பற்றியும், விஷ்ணு விஷால் - விக்ராந்த் இடையிலான பகைமை, விளையாட்டில் தூவப்படும் வெறுப்புணர்வு மெல்ல எப்படி ஒரு கிராமத்தையே பாதிக்கிறது உள்ளிட்ட விஷயங்கள் நான்-லீனியர் முறையில் சொல்லப்படுகிறது. 

விஷ்ணு விஷால், விக்ராந்த், தம்பி ராமையா, செந்தில், ஜீவிதா, விவேக் பிரசன்னா, மூணாறு ரமேஷ் என அனைவரும் தங்கள் பங்கை சிறப்பாக செய்துள்ளனர். விஷ்ணு விஷாலுக்கு ஜோடியாக வரும் அனந்திகா சனில்குமார் ஒரே ஒரு பாடலுக்கு மட்டும் உதவியிருக்கிறார். தன்யா பாலகிருஷ்ணா இறுதிக் காட்சியில் ஓரிரு நிமிடங்கள் வந்தாலும் ஈர்க்கிறார். ரஹ்மான் குரலில் ‘ஜலாலி ஜலாலி’ பாடல் ரஜினி ரசிகர்களுக்கு நிச்சயம் செம விருந்து..... 

கதையை மேலும் திருத்தமாக சுருக்கமாக அழுத்தமாக பதிவு செய்திருந்தால் இன்னும் சிறப்பாக அமைந்திருக்கும்..... 

மொத்தத்தில் இந்த 'லால் சலாம்' ரஜினி ரசிகர்களை சலாம் போட்டு வரவேற்கும்...

RATING: 3.8/5