ரத்னம் திரைவிமர்சனம்

 ரத்னம் திரைப்படம் எப்படி இருக்கு?!

ஸ்டோன் பென்ச் பிலிம்ஸ்  கார்த்திகேயன் சந்தானம் தயாரிப்பில், இயக்குனர் ஹரி இயக்கத்தில் விஷால் நடிப்பில் இன்று வெளியாகியுள்ள திரைப்படம் தான் "ரத்னம்"

சரி வாங்க விமர்சனத்தை பார்ப்போம்:

சிறு வயதிலேயே தாய் தந்தையை இழந்த நாயகன் விஷால், சமுத்திரகனி அரவணைப்பில் வளர்கிறார். வேலூரில் எம்.எல்.ஏ. மற்றும் தாதாவாக இருக்கும் சமுத்திரகனி சொல்லும் வேலைகளை எல்லாம் விஷால் செய்து முடிக்கிறார். இந்நிலையில் வேலூருக்கு தேர்வு எழுத வரும் பிரியா பவானி சங்கரை பார்த்தவுடன் அவர் பின்னாலே செல்கிறார். தேர்வு எழுதும் நேரத்தில் பிரியா பவானி சங்கரை ஒரு கும்பல் தாக்க வருகிறது. அந்த கும்பலிடம் இருந்து அவரை விஷால் காப்பாற்றுகிறார். தொடர்ந்து பிரியா பவானி சங்கருக்கு அந்த கும்பல் மூலம் பிரச்சனை வருகிறது. இறுதியில் அந்த மர்ம கும்பல் யார்? பிரியா பவானி சங்கரை கொலை செய்ய துரத்த காரணம் என்ன? பிரியா பவானி சங்கரை விஷால் பாதுகாக்க காரணம் என்ன? என்பதே படத்தின் மீதிக்கதை......

படத்தின் நாயகனாக நடித்திருக்கும் விஷால், சென்டிமென்ட், ஆக்ஷன், பாசம் என நடிப்பில் ஸ்கோர் செய்து இருக்கிறார். குறிப்பாக சிங்கிள் ஷாட் ஆக்க்ஷன் காட்சியில் சிறப்பாக நடித்து இருக்கிறார். நாயகியாக நடித்திருக்கும் பிரியா பவானி சங்கருக்கு நடிக்கும் வாய்ப்பு அதிகம் கிடைத்துள்ளது. அவரும் கதாபாத்திரத்தை உணர்ந்து சிறப்பாக நடித்து இருக்கிறார்.

குறிப்பாக விஷால் மீது அக்கறை காட்டும் இடத்தில் கவனிக்க வைத்து இருக்கிறார். படத்திற்கு பெரிய பலம் சமுத்திரகனி நடிப்பு. விஷாலுக்காக இவர் எடுக்கும் முயற்சிகள் ரசிக்க வைக்கிறது.

சிறிது நேரமே வந்தாலும் மனதில் பதிந்து இருக்கிறார் கவுதம் வாசுதேவ் மேனன். முரளி சர்மா வில்லத்தனத்தில் மிரட்டியிருக்கிறார். இவருக்கு உறுதுணையாக வரும் ஹரிஷ் பெரடி, முத்துகுமார் ஆகியோர் சிறப்பான பங்களிப்பை கொடுத்து இருக்கிறார்கள். மொட்டை ராஜேந்திரன், யோகி பாபு ஆகியோர் ஆங்காங்கே சிரிக்க வைத்து இருக்கிறார்கள். 

அம்மா சென்டிமென்ட்டை மையமாக வைத்து படத்தை இயக்கியிருக்கிறார் இயக்குனர் ஹரி. தன் படங்களுக்கு உண்டான அதே ஸ்டைலில் திரைக்கதை அமைத்து ரசிக்க வைத்து இருக்கிறார். 

கதாபாத்திரங்கள் இடையே சிறப்பாக வேலை வாங்கி இருக்கிறார். சிங்கிள் ஷாட் ஆக்க்ஷன் மற்றும் காட்சிகள் வைத்து ரசிகர்களை ஈர்த்து இருக்கிறார். தேவி ஶ்ரீ பிரசாத் இசையில் பாடல்கள் அனைத்தும் தாளம் போட வைக்கிறது. பின்னணி இசையில் மிரட்டி இருக்கிறார். சுகுமாரின் ஒளிப்பதிவு ஆக்க்ஷன் காட்சிகளை அதிர வைத்துவிட்டது என்றே கூறலாம். 

காதல் இல்லாதது சோர்வு, காமெடியிலும் கூடுதல் கவனம் தேவை.....

மொத்தத்தில் இந்த "ரத்னம்" தாயின் பாச உணர்வு

Rating: 3.5/5