'இறுதி முயற்சி' விமர்சனம்
வெங்கட் ஜனா இயக்கத்தில், வெங்கடேசன் பழனிச்சாமி தயாரிப்பில், வைரம் சினிமாஸ் சார்பில் ரஞ்சித், மேகாலி மீனாட்சி, விட்டல் ராவ், கதிரவன், புதுப்பேட்டை சுரேஷ், சிறுமி மவுனிகா, சிறுவன் நீலேஷ் ஆகியோர் நடிப்பில் உருவாகியுள்ள படம் தான் 'இறுதி முயற்சி' (https://www.tamillive.news/2025/10/iruthi-muyarchi-movie-review.html)
சரி வாங்க விமர்சனத்தை பார்ப்போம்:
ரஞ்சித் ஒரு ஜவுளி கடை வியாபாரி. தொழிலில் நஷ்டம் அடைந்து கந்துவட்டி ரவுடி ராஜப்பாவிடம் எண்பது லட்சம் ரூபாய் கடன் வாங்குகிறார். கடனை கட்ட முடியாமல் வட்டிக்கு மேல் வட்டி ஏறுகிறது. ராஜப்பா ஒரு கோடி ரூபாய் கொடுக்க வேண்டும் இல்லையென்றால் உன் மனைவி மற்றும் மகளை நிர்வாணமாக நிற்க வைத்துவிடுவேன் என்று தொடர்ந்து மிரட்டி வருகிறார். ரஞ்சித்துக்கு ஒரு மகனும் மகளும் உள்ளனர். (https://www.tamillive.news/)
கடனை கட்ட முடியாமல் ரஞ்சித்தின் வீட்டு வாசலில் இரண்டு அடியாட்கள் எப்போதும் இருக்கிறார்கள். இவர்கள் இரண்டு பேரும் ரஞ்சித்தின் மனைவி மேகாலி மீனாட்சி குளிக்கும் போது வீடியோ எடுக்க முயற்சி செய்து அடாவடி செய்கின்றனர்.
இது ஒருபுறம் இருக்க ரஞ்சித் வீட்டின் அருகே ஒரு சைக்கோ கொலையாளி இரவு நேரங்களில் மட்டும் கொலை செய்துவிட்டு மறைந்து வாழ்கிறான். ரஞ்சித் தனது கடனை அடைக்க முடியாமல் குடும்பத்துடன் தற்கொலை செய்ய முயற்சி செய்கிறார். பிறகு என்ன நடந்தது? என்பதே கதை..... (https://www.tamillive.news/)
ரஞ்சித் சிறப்பாக எதார்த்தமாக நடித்திருக்கிறார் என்றே சொல்லலாம். ரஞ்சித்தின் மனைவியாக நடித்திருக்கும் மெஹாலி மீனாட்சி, கதாபாத்திரத்திற்கு பொருத்தமான தேர்வு. கணவன் நிலை மற்றும் சூழல் அறிந்து நடக்கும் மனைவியாக எதார்த்தமாக நடித்திருப்பவர், அளவான பேச்சு, இயல்பான உடல்மொழி என்று தனது கதாபாத்திரத்திற்கு பலம் சேர்த்திருக்கிறார்.
கருணை இல்லாத மனிதராக கந்துவட்டி தாதாவாக நடித்திருக்கும் விட்டல் ராவ், அவரது தம்பியாக நடித்திருக்கும் புதுபேட்டை சுரேஷ், குற்றவியல் ஆய்வாளராக நடித்திருக்கும் கதிரவன், ரஞ்சித்தின் மகளாக நடித்திருக்கும் சிறுமி மெளனிகா, மகனாக நடித்திருக்கும் சிறுவன் நீலேஷ் என மற்ற வேடங்களில் நடித்திருப்பவர்கள் கதாபாத்திரத்திற்கு ஏற்ப நடித்திருக்கிறார்கள்.
கடன் பிரச்சனைகள் எல்லா குடும்பத்திலும் இருப்பதால் அனைவரையும் இந்த கதை கொஞ்சம் இணைக்கும். ஆனால்
கதையில் பல இடங்களில் லாஜிக்கே இல்லை.... இசையில் கூடுதல் கவனம் வேண்டும்.... போலீஸ் கதாபாத்திரத்தில் வேற ஆட்களை நடிக்க வைத்திருக்கலாம்.... (https://www.tamillive.news/)
மொத்தத்தில் இந்த 'இறுதி முயற்சி' கடன்காரர்களின் மனதை தொடும்.....
RATING: 2.6/5
கருத்துரையிடுக