Tamil Live News

 ‘காஃபி வித் காதல்’ ஜீ5 நிறுவனம் அறிவிப்பு! 

இந்தியாவின் முன்னணி வீடியோ ஸ்ட்ரீமிங் தளமான ஜீ5, தமிழ், தெலுங்கு, கன்னடம் மற்றும் மலையாளம் ஆகிய 4 மொழிகளில் ‘காபி வித் காதல்’ திரைப்படத்தின் உலக டிஜிட்டல் பிரீமியரை இன்று அதிகாரப்பூர்வமாக அறிவித்தது. குஷ்பு, ஏ.சி.எஸ். அருண்குமார் மற்றும் ஏ.சி.சண்முகம் ஆகியோரால் தயாரிக்கப்பட்டு, தமிழில் ரொமான்ஸ் காமெடி திரைப்படமாக உருவான “காபி வித் காதல்” திரைப்படத்தை சுந்தர் சி எழுதி இயக்கி உள்ளார். இப்படத்தில் ஜீவா, ஜெய், ஸ்ரீகாந்த் ஆகியோருடன் மாள்விகா ஷர்மா, அமிர்தா ஐயர், ரைசா வில்சன், ஐஸ்வர்யா தத்தா, சம்யுக்தா சண்முகநாதன் மற்றும் திவ்யதர்சினி ஆகியோர் முக்கிய பாத்திரங்களில் நடித்துள்ளனர். டிசம்பர் 9 ஆம் தேதி டிஜிட்டலில் வெளியாகவுள்ள ரொமான்ஸ் காமெடி திரைப்படமான இந்த ‘காஃபி வித் காதல்’ ஒரு அருமையான பொழுதுபோக்கு படமாக இருக்கும். 

ஸ்ரீகாந்த் [மியூசிக் டீச்சர்], ஜீவா [ஐடி] மற்றும் ஜெய் [ பிஸினஸ்மேன்] ஆகிய 3 சகோதரர்களின் வாழ்க்கையைச் சுற்றி அவர்களின் வாழ்கையின் வெவ்வேறு பக்கங்களை  சொல்வதே இப்படம். ஒழுக்கமான ரூல்ஸ் மீறாத பையனாக ஸ்ரீகாந்த், தனது லிவ்-இன் ரிலேஷன்ஷனுக்குப் பிறகு கடும் மனவேதனையைச் சமாளிக்கும் நபராக ஜீவா மற்றும் கொஞ்சம் கூட அதிர்ஷ்டம் இல்லாத நிலையில் சொந்தத் தொழிலைத் தொடங்க முயற்சிக்கும் ஜெய். இவர்களின் வாழ்க்கையில் ஏற்படும் சுவாரஸ்யமான சம்பவங்கள் தான் கதை. ஒவ்வொரு பார்வையாளர்களும் தங்கள் வாழ்வோடு தொடர்புபடுத்திக் கொள்ளும் கதை.

யுவன் ஷங்கர் ராஜாவின் இசை மற்றும் E. கிருஷ்ணசாமியின் ஒளிப்பதிவில், உடன்பிறந்த உறவுகளின் கோபத்தையும் அன்பையும் இந்த படம் சித்தரிக்கிறது. இப்போது, ஜீ5 தளத்தில் அதன் உலக டிஜிட்டல் பிரீமியர் மூலம், இப்படம் 190+ நாடுகளில் உள்ள பார்வையாளர்களுக்குக் கிடைக்கும். எனவே, இந்த இதயத்தைத் திருடும்  கதையை டிசம்பர் 9 ஆம் தேதி பார்க்கத் தயாராகுங்கள்.

ஜீ5 தளத்தின் இந்தியாவின் தலைமை வணிக அதிகாரி மணீஷ் கல்ரா கூறுகையில், “பார்வையாளர்களை புதிய கதைகள் மூலம் மகிழ்விப்பதே எங்கள் நோக்கம.  'காஃபி வித் காதல்' உலக டிஜிட்டல் பிரீமியர் மூலம், ஒரு அட்டகாசமான ரொமான்ஸ் காமெடி திரைப்படத்தை, பார்வையாளர்களுக்கு வழங்கவுள்ளொம். இன்றைய வேகமான உலகில், நம் அன்புக்குரியவர்களுடன் செலவளிக்கும் நேரம் குறைவாகிவிட்டது. நம் அன்பையும் உறவுகளின் நேசத்தையும் ஞாபகப்படுத்தும் அழகான திரைப்படமாக ‘காஃபி வித் காதல்’ இருக்கும்.

இயக்குநர் சுந்தர் சி கூறுகையில், “காபி வித் காதல்” ஒரு முழுமையான பொழுதுபோக்கு திரைப்படம்.  சில சமயங்களில் நமது பெற்றோர்கள் நமது தனித்திறமைகளை உணரத் தவறிய நேரங்கள் உண்டு, ஆனால் நம் உடன்பிறப்புகள் எப்பொழுதும் நம்மைக் கவனித்து, நம்மைச் சரியாக புரிந்து கொள்வார்கள். காஃபி வித் காதல் என்பது உறவுகளின் கலவையாகும், அன்றாட வாழ்க்கையில் இருக்கும் சிக்கல்கள் மற்றும் உடன்பிறப்புகளுடனான மோதல்கள் மற்றும் இனிமையான நினைவுகள் அனைத்தையும் அழகாக சொல்லும் கதை இது. இப்படத்தை காணும் ஒவ்வொருவரும் தங்கள் உடன்பிறப்பை கண்டிப்பாக நினைப்பார்கள். ஜீ5 தளம் இப்படத்தை வெளியிடுவது மகிழ்ச்சி இந்தக் கதையைப் பார்வையாளர்களுக்குக் கொண்டு செல்ல, இதை விட சிறந்த தளம்  இருக்க முடியாது.

இதயத்தை கொள்ளை கொள்ளும் அருமையான பொழுதுபோக்குக்கு  'காஃபி வித் காதல்'  காண தயாராகுகங்கள்! டிசம்பர் 9 முதல் ஜீ5 தளத்தில் ‘காபி வித் காதல்’ பார்க்க தயாராகுங்கள்!

இந்தக் கதை, சிரிக்கவும் வைக்கும்,சிந்திக்கவும் தூண்டும் - இயக்குனர் பெருமாள் காசி

எல் ,என், எச் , கிரியேசன், k லட்சுமி நாராயணன் தயாரிப்பில் புதுமுகங்கள் நடிப்பில்  நகைச்சுவை கலந்த  படமாக உருவாக்கப்பட்டுள்ள படம் "என்ஜாய்".

சமூக ஊடகங்களின் அபார வளர்ச்சியும் அதனூடாக ஏற்பட்ட சுதந்திரமும்,  கருத்து  வெளிப்பாட்டு நன்மைகளையும்,  சீரழிவுகளையும் நிகழ்த்தியே நகர்கிறது. இந்த கதை.

இந்த தொழிநுட்ப வளர்ச்சியின் பிடிக்குள் அகப்படும் மூன்று இளைஞர்களும்  இளம்பெண்களும் வளர்ச்சிக்கான பாதையாக  இதனைப் பயன்படுத்தினார்களா  இல்லை சீரழிவுக்குள் சிக்கி சிதறடிக்கட் பட்டார்களா  என்பதே என்ஜாய் சொல்லும்  கதை. 

இளைஞர்களுக்கே உரித்தான அவர்களது பேசு மொழியான பதின்ம பருவத்து நகைச்சுவையோடு கலந்து சொல்லப்பட்டிருக்கும்  இந்தக் கதை, சிரிக்கவும் வைக்கும். சிந்திக்கவும் தூண்டும்.  சமூகம் கொண்டுள்ள தளைகளை உடைத்து விடும் ஆயுதமாகவும் இருக்கும்.

இளைஞர்கள் கொண்டாடினால் தான் எந்த படமும் வெற்றிபெரும் - 'என்ஜாய் ' படம் இளைஞர்கள் கொண்டாடும் படமாக இருக்கும் என்கிறார். அறிமுக இயக்குனர் பெருமாள் காசி. பல படங்களுக்கு புரொடக்சன் மேனேஜராக பணியாற்றிய பெருமாள் காசி 'என்ஜாய்' படத்தின் மூலம் இயக்குனராகியிருக்கிறார்.

ஒளிப்பதிவு -

 KN அக்பர்,

இசை - KN ரயான் .

எடிட்டர் - மணி குமரன்.

பின்னணி இசை- சபேஷ்- முரளி.

பாடல்கள் - விவேகா, உமாதேவி.

நடனம்- தினேஷ்.

சண்டை- டேஞ்சர்மணி

கலை- சரவண அபிராமன்.

நடிகர்கள்- 

மதன்குமார் 

டான்சர் விக்னேஷ்

ஹரீஸ்குமார்

நிரஞ்சனா

ஜீ,வி அபர்ணா,

சாய் தன்யா

ஹாசின்

சாருமிசா

"வரலாறு முக்கியம்" சிறந்த காமெடி படம்- நடிகர் ஜீவா  

சூப்பர் குட் பிலிம்ஸ் ஆர்.பி. சௌத்ரி தயாரிப்பில், நடிகர் ஜீவா நடிப்பில் இயக்குநர் சந்தோஷ் ராஜன் இயக்கியுள்ள திரைப்படம் “வரலாறு முக்கியம் “. ரொமான்ஸ் காமெடி ஜானரில் கம்ர்ஷியல் திரைப்படமாக உருவாகியுள்ள இப்படம் டிசம்பர் 9 ஆம் தேதி உலகமெங்கும் திரையரங்குகளில் வெளியாகிறது. இந்நிலையில் இப்படத்தின் பத்திரிக்கையாளர் படக்குழுவினர் கலந்துகொள்ள இனிதே நடைபெற்றது.

"கட்டா குஸ்தி" திரைப்படத்தின் விமர்சனம் 

செல்லா அய்யாவு  இயக்கத்தில், நடிகர் விஷ்ணு விஷால் மற்றும் தெலுங்கு நடிகர் ரவி தேஜா தயாரிப்பில், ரெட் ஜெயண்ட் மூவீஸ் நிறுவனம் வெளியீட்டில், ஜஸ்டின் பிரபாகர் இசையில்,  நடிகர் விஷ்ணு விஷால் நடிப்பில் வெளிவந்துள்ள படம் தான் "கட்டா குஸ்தி". 

கேரள மாநிலம் பாலகாட்டைச் சேர்ந்த கீர்த்தி (ஐஸ்வர்யா லக்ஷ்மி) குஸ்தி போட்டிகளில் அதீத ஆர்வம் கொண்டவர். சிறு வயது முதல் பல்வேறு போட்டிகளில் கலந்துகொண்டு கோப்பையை வெல்லும் கீர்த்திக்கு நீண்ட நாட்களாக திருமணமாகாமல் இருக்கிறது. குஸ்தி வீரராக இருப்பதாலேயே அவருக்கான வரன்கள் கைகூடாமல் விலகி செல்கின்றன. 

ஒரு கட்டத்திற்கு பிறகு சில பொய்களைச் சொல்லி கீர்த்திக்கும் தமிழ்நாட்டைச் சேர்ந்த வீராவுக்கும் (விஷ்ணு விஷால்) திருமணம் நடத்தப்படுகிறது. சுமூகமாக செல்லும் திருமண வாழ்க்கையில் பொய்கள் வெளிச்சத்திற்கு வந்து பூகம்பமாய் கிளம்ப, தம்பதிகளின் வாழ்கையில் இடையில் புகுந்து குஸ்தி போடும் சண்டைதான் ‘கட்டா குஸ்தி’ கதை. ஐஸ்வர்யா லக்ஷ்மி சமரசமின்றி அதேமாதிரியான கதையில் இம்முறை குஸ்தி வீராங்கனையாக களமிறங்கியிருக்கிறார். 

கிராஃப் வெட்டி, சேலையை ஏற்றிக்கட்டி எதிரிகளை பந்தாடுவதாகட்டும், குஸ்தி போட்டிகளிலும், ஆக்ரோஷமான கண்பார்வையிலும், விளையாட்டு வீராங்கனைக்கான லுக்கிலும், அதேசமயம் கிராமத்து பெண்ணாகவும் இருவேறு எல்லைகளில் நடிப்பில் உச்சம் தொடுகிறார். 

‘படிச்சவ அதிகாரம் பண்ணுவா... படிக்காதவதான் அடங்கி போவா’, ‘நீளமான முடியில்லன்னா அவ பொண்ணுல்ல; பையன்’ போன்ற பழமைவாத வசனங்களை பேசும் கிராமத்து இளைஞன் கதாபாத்திரத்தில் விஷ்ணு விஷால். தனக்கு கிடைத்த இடங்களில் நடிப்பின் மூலம் ஸ்கோர் செய்கிறார். நாயகன் அறிமுகத்திற்கு ஒரு பாடல், திருமணத்திற்காக ஒரு பாடல், உள்ளூருக்கு ஒரு வில்லன், வெளியூருக்கு ஒரு வில்லன், கை நீட்டியதும் வந்த வேகத்தில் பவுன்சாகும் எதிரிகள் என தெலுங்கில் படம் வெளியாவதை கவனத்தில் வைத்து மசாலாவை தூக்கலாக்கியிருக்கிறார்கள். 

திருமணத்திற்காக கூறிய பொய்யை சமாளிக்க போராடும் நாயகி, மனைவியிடம் கெத்து காட்ட நாயகன் செய்யும் செயல்கள், ஆர்ப்பரிக்க வைக்கும் இடைவேளை என ‘கட்டா குஸ்தி’ முதல் ரவுண்டில் ஸ்கோர் செய்கிறது. இரண்டாம் பாதியில் ஒரு கட்டத்திற்கு பிறகு எளிதாக கணிக்கக் கூடிய காட்சிகளாக அமைகிறது. ஜனரஞ்சக சினிமாவுக்குத் தேவையான காட்சியமைப்பில் கச்சிதமாக சேர்ந்திருக்கிறார் ஒளிப்பதிவாளர் ரிச்சர்ட் எம்.நாதன்.

மொத்தத்தில் இந்த "கட்டா குஸ்தி" தாங்கி நிற்கும்....               

Gatta kushthi Movie Mark- 3.8/5

"பவுடர்" படம் எப்படி இருக்கு?!

தொகுதிக்கு நல்லது செய்யாத அரசியல்வாதியைக் கொல்லும் ஒரு இளைஞர் குழாம், மகளை ஏமாற்றியவனைக் கொல்லும் வையாபுரி, மருத்துவர் வித்யாவைக் காதலிப்பதாக ஏமாற்றி நிர்வாண வீடியோ எடுக்கும் ராணவ், கொரோனாவால் வருமானம் இல்லாமல் போய்விடும் ஒப்பனைக் கலைஞர், திறமையான காவல்துறை அதிகாரியான நிகில், மைனா வீட்டில் திருட வரும் ஆதவன் ஆகியோர்களைச் சுற்றி ஓர் இரவில் நடக்கும் கதைதான் "பவுடர்" திரைப்படம். 

சினிமா மக்கள் செய்தி தொடர்பாளராக இருந்த நிகில் முருகன் அறிமுக நாயகநாக இந்த படத்தில் அறிமுகம் ஆகியுள்ளார். அவர் தனது நடிப்புக்கு இன்னும் கூடுதல் கவனம் செலுத்துவது அவசியம். பிளாக் காமெடிக்கு முயன்று கமிஷ்னர் பாத்திரத்தைக் கேலிக்கு உள்ளாக்கியுள்ளார் விஜய் ஸ்ரீ. வையாபுரியின் பாத்திரமும், அவரது நடிப்பும் படத்திற்கு வலு சேர்க்கிறது. சிங்கம்புலி, மொட்டை ராஜேந்திரன், ஆதவன் ஆகியோர் நகைச்சுவைக்காகப் பெரிதும் மெனக்கெட்டுள்ளார்கள். இறுதியில், வித்யா ப்ரதீப்பின் அத்தியாயத்தில் படத்தை முடித்தவிதம் நல்ல த்ரில்லர் படத்திற்கான க்ளைமேக்ஸ் போன்றே அமைந்துள்ளது. ஆனால், கச்சிதமில்லாத் திரைக்கதையால் படத்தின் முடிவு பெரிய தாக்கத்தை ஏற்படுத்தாமல் தவறிவிடுகிறது. படத்தின் முடிவில் வரும் No சூடு No சொரணை பாடல் எதற்கு என்றே புரியவில்லை....

மொத்தத்தில் இந்த "பவுடர்" பூசினால் த்ரில் தெரியும்.....