சாமானியன்- திரைவிமர்சனம்

சாமானியன்- திரைவிமர்சனம் 

ராகேஷ் இயக்கத்தில், நடிகர் ராமராஜன், எம்.எஸ்.பாஸ்கர், ராதாராவி, நக்க்ஷா சரண், மைம் கோபி, போஸ் வெங்கட், தீபாசங்கர், மற்றும் பலர் நடித்திருக்கும் படம் தான் 'சாமானியன்' 

சரி வாங்க விமர்சனத்தை பார்ப்போம்:

இந்திய ராணுவத்தில் பணியாற்றி, ஓய்வு பெற்று தன்னுடைய கிராமத்தில் வாழ்ந்து கொண்டிருக்கிறார் மேஜர் சங்கர நாராயணன் (ராமராஜன்). இவர் தத்தெடுத்து வளர்க்கும் பெண்ணான நக்க்ஷா சரண் இவர்  தன்னுடன் பணியாற்றும் லியோ சிவகுமாரை காதலித்து பெற்றோர் சம்மதத்துடன் திருமணம் செய்து கொள்கிறார். திருமணத்திற்குப் பிறகு கிராமத்திலிருந்து சென்னைக்கு இடம் மாறுதலாகி வாடகை வீட்டில் வசிக்கிறார்கள். 

வீட்டின் உரிமையாளர் பல்வேறு தொல்லைகளை அவர்களுக்கு கொடுக்க அவர்கள் சொந்த வீடு ஒன்றை வாங்க வேண்டும் என்று திட்டமிடுகிறார்கள்.  இதற்காக தனியார் வங்கி ஒன்றில் கடன் கேட்கிறார்கள். கடன் வாங்கி, ஒரு ரியல் எஸ்டேட் அதிபர் மூலம் வீடு வாங்குகிறார்கள். அந்த புதிய வீட்டின் மேற்சுவர் பிஞ்சு குழந்தையின் தலையில் விழுந்து ரத்த வெள்ளத்தில் குழந்தையை மருத்துவமனையில் சேர்த்து கதறி அழுகிறார்கள். 

அந்த மோசடி ரியல் எஸ்டேட் அதிபரை நேரில் சென்று  மேற்சுவர் விழுந்ததை பற்றி நக்க்ஷா சரண் கேட்க இருவருக்கும் வாக்குவாதம் ஏற்பட நக்க்ஷா சரண் தன் காலில் இருந்த செருப்பால் அடிக்கிறார். பிறகு இவர்களை நடு தெருவுக்கு கொண்டு வர வேண்டும் என்ற வெறியுடன் வங்கி அதிகாரியை கையில் போட்டு கொண்டு கடனை கட்ட தொடர்ந்து நெருக்கடி கொடுக்க, அவர்கள் தாங்க முடியாமல் பிஞ்சு குழந்தையுடன் வங்கிக்கு சென்று தற்கொலை செய்து கொள்கிறார்கள். பிறகு களத்தில் இறங்கிய ராமராஜன், ராதாரவி, எம். எஸ். பாஸ்கர் இவர்களை என்ன செய்தார்கள் என்பதே மீதி கதை...... 

லியோ சிவக்குமார், திவ்யாவாக வரும் நக்‌ஷா சரண் ஆகியோரது நடிப்பு சிறப்பு. இளையராஜா இசை படத்திற்கு பலம். அருள் செல்வன் ஒளிப்பதிவில் கிராமத்தை காட்டும் காட்சிகள் எல்லாம் அருமை. எம். எஸ். பாஸ்கர், ராதாரவி போன்றோர் ராமராஜனின் நண்பர்களாக வரும் கெட்டப்பு சிறப்பு. கடன் வசூல் தொல்லையை கதை புரிய வைக்கிறது. 

ஆனால் லாஜிக் பெரிய அளவில் இல்லை.... சண்டை காட்சியிலும், பேங்க் காட்சியிலும் கூடுதல் கவனம் தேவை.

மொத்தத்தில் இந்த 'சாமானியன்'  அன்பான வெறியன்......

RATING: 3/5